എ
ന്റെ ചുണ്ടുകളിൽ
വീഞ്ഞുത്തുള്ളികളില്ല.
പക്ഷേ, കവിതയുടെ രക്തം
ഇരുട്ടിലിറ്റിറ്റു വീഴുന്നു.
വലിയ നിധിപ്പെട്ടികൾ ഒളിപ്പിച്ചിട്ടുള്ള
പവിഴപ്പാറയുടെ ഉള്ളാഴത്തിൽ കിടന്നിരുന്ന;
ഒരിക്കലൊരു സമുദ്രമായിരുന്ന
ഞാനിന്നൊരു മരുഭൂമിയാണ്.
ഞാൻ മാത്രമാണ് അങ്ങനെ, നീ,
ഡാഫോഡിൽസുകളുടെ
അറ്റമില്ലാത്ത ഒരു പൂന്തോട്ടമാണ്.
ആ നീല പർവതത്തിനു നേരെ,
നീ ഉയർത്തിപ്പിടിക്കുന്ന
കൈകൾക്കു ചുറ്റും
ശലഭങ്ങൾ വട്ടമിട്ട് പാറിക്കളിക്കുമ്പോൾ
വസന്തത്തിനെങ്ങനെ വരാതിരിക്കാൻ കഴിയും?
■■■
Quaint Memories: Ganesh Puthur
T
here are no droplets of
Wine on my lips,
But the blood of poetry,
Dripping in darkness.
I am a desert which
Was once an ocean;
Where I lie, hid treasure chests,
Deep inside the coral reef.
It is just me, you,
And an endless garden of daffodils.
How can spring not arrive
When butterflies hover
Around the arms you raise
Towards that blue mountain?
പ്രതിഭാവം എഡിറ്റർ, ചലച്ചിത്ര സംവിധായകൻ. മൊബൈൽ ഫോണിൽ ചിത്രീകരിച്ച ഇന്ത്യയിലെ ആദ്യത്തെ ചലച്ചിത്രങ്ങളായ വീണാവാദനം(ചിത്രകലാ ഡോക്യുമെന്ററി), ജലച്ചായം(ഫീച്ചർ ഫിലിം) എന്നിവയും ലാലൂരിന് പറയാനുള്ളത്(പരിസ്ഥിതി ഡോക്യുമെന്ററി), ജ്ഞാനസാരഥി(ഹിസ്റ്ററി ഡോക്യുമെന്ററി) എന്നിവയും ചെയ്തിട്ടുണ്ട്. തൃശ്ശൂർ ആസ്ഥാനമായി പ്രവർത്തിക്കുന്ന ഡിജിറ്റൽ ഫിലിം മേക്കേഴ്സ് ഫോറം ട്രസ്റ്റിന്റെ ചെയർമാനാണ്.
