Published on: February 14, 2025
In the ocean of love
Give me a love
to immerse in the ocean of your love.
Give me a birth
to loll in the warmth of your bosom.
I shall emerge as a radiant dawn
to bask upon your tender body.
I shall emerge as a full moon
to take in the warmth of your loving heart.
With your lips, write a war-epic of love,
which bleed with the blood of love.
You sprawl toward me,
like Krishna’s celestial Rasa Lila,
and shape me into a sculpture of love—
a masterpiece that beats with love.
■■■
പ്രണയത്തിന്റെ നീരാഴിയിൽ: സതീഷ് കളത്തിൽ
നിൻ പ്രണയത്തിൻ നീരാഴിയിൽ
തുടിക്കാനൊരു പ്രണയം തരൂ
നിന്നണിവയർ തളിരത്തിൽ
മയങ്ങാനൊരു ജന്മം തരൂ
നിൻ തളിർമെയ്യിനു കുളിരാറ്റാൻ
ചെറുസൂര്യനായ് ഉദിക്കാം ഞാൻ
നിൻ ഇടനെഞ്ചിൻ ചൂടുനുകരാൻ
പൂർണ്ണചന്ദ്രനായ് എത്താം ഞാൻ
പ്രണയത്തിൻ നിണമിറ്റും നിൻ
ചൊടികളാലൊരു രണകാവ്യം എഴുതൂ
എന്നിൽ നീയൊരു രാസലീലയായ് പടരൂ
എന്നെയൊരു പ്രണയശില്പമാക്കൂ
‘പ്രണയത്തിന്റെ നീരാഴിയിൽ’ എ. ഐ. മ്യൂസിക്കിൽ കേൾക്കാം:
പ്രതിഭാവം വാട്സ്ആപ്പ് ഗ്രൂപ്പിലേക്കു സ്വാഗതം🌹
സതീഷ് കളത്തിൽ: തൃശൂർ ശങ്കരയ്യ റോഡ് സ്വദേശി. പ്രതിഭാവം എഡിറ്റർ, ഉത്തരീയം കലാ- സാംസ്കാരിക മാസികയുടെ അസോ. എഡിറ്റർ. ‘ദോഷൈകദൃക്ക്’ എന്ന പേരിൽ പ്രതിഭാവത്തിൽ ‘വോക്കൽ സർക്കസ്’ എഐ കാർട്ടൂൺ കോളവും ചെയ്യുന്നു.
ചലച്ചിത്ര സംവിധായകൻ. മൊബൈൽ ഫോണിൽ ചിത്രീകരിച്ച ഇന്ത്യയിലെ ആദ്യത്തെ ചലച്ചിത്രങ്ങളായ വീണാവാദനം(ചിത്രകലാ ഡോക്യുമെന്ററി), ജലച്ചായം(ഫീച്ചർ ഫിലിം) എന്നിവയും ലാലൂരിന് പറയാനുള്ളത്(പരിസ്ഥിതി ഡോക്യുമെന്ററി), ജ്ഞാനസാരഥി(ഹിസ്റ്ററി ഡോക്യുമെന്ററി) എന്നിവയും ചെയ്തിട്ടുണ്ട്. തൃശ്ശൂർ ആസ്ഥാനമായി പ്രവർത്തിക്കുന്ന ഡിജിറ്റൽ ഫിലിം മേക്കേഴ്സ് ഫോറം ട്രസ്റ്റിന്റെ ചെയർമാനാണ്.
പിതാവ്: ശങ്കരൻ. മാതാവ്: കോമളം(Late). ഭാര്യ: കെ.പി. രമ. മക്കൾ: നിവേദ, നവീൻകൃഷ്ണ, അഖിൽകൃഷ്ണ.
