Published on: November 2, 2025
പാറയും ഞാനും
കൂറ്റൻ തിരമാലകൾ ഇരമ്പുന്ന പാറക്കെട്ടിൽ,
ഒരു പാറയിൽ നിന്നിരുവശത്തേക്കും
കൈകൾ നീട്ടിപ്പിടിച്ചു ഞാൻ
നിൽക്കുകയാണ്.
ഭൂമിയും ആകാശവും
സ്വകാര്യം കൈമാറുന്ന ഒരിടത്ത്,
കാറ്റ്, ഒരു കവിത;
കടൽ, എന്റെ ഹൃദയം.
ഒരു പ്രഭാതം ഉദിക്കുന്നു;
വേലിയേറ്റങ്ങൾ ശാന്തമാകുന്നു;
ഇതൊന്നുമറിയാതെ പാറ ഉറങ്ങുന്നു.
ഒരു കൊടുങ്കാറ്റ് എന്നെ വിട്ടുപോകുന്നു;
അപ്പോഴും, പാറ ഉറങ്ങുന്നു.
മതിലുകളില്ല, ചങ്ങലകളില്ല;
തുറന്ന ആകാശം, കണ്ണുകൾ, സ്വപ്നങ്ങൾ.
സമുദ്രം ചോദിക്കുന്നു;
ഞാൻ സധൈര്യം പറഞ്ഞു,
“ഒരു ആത്മാവ്,
കടലിന്റെ അരികിലിപ്പോൾ,
സ്വതന്ത്രമായിരിക്കുന്നു!”
പ്രതിഭാവം വാട്സ്ആപ്പ് ഗ്രൂപ്പിലേക്കു സ്വാഗതം🌹
സതീഷ് കളത്തിൽ: തൃശൂർ ശങ്കരയ്യ റോഡ് സ്വദേശി. പ്രതിഭാവം എഡിറ്റർ, ഉത്തരീയം കലാ- സാംസ്കാരിക മാസികയുടെ അസോ. എഡിറ്റർ. ‘ദോഷൈകദൃക്ക്’ എന്ന പേരിൽ പ്രതിഭാവത്തിൽ ‘വോക്കൽ സർക്കസ്’ എഐ കാർട്ടൂൺ കോളവും ചെയ്യുന്നു.
ചലച്ചിത്ര സംവിധായകൻ. മൊബൈൽ ഫോണിൽ ചിത്രീകരിച്ച ഇന്ത്യയിലെ ആദ്യത്തെ ചലച്ചിത്രങ്ങളായ വീണാവാദനം(ചിത്രകലാ ഡോക്യുമെന്ററി), ജലച്ചായം(ഫീച്ചർ ഫിലിം) എന്നിവയും ലാലൂരിന് പറയാനുള്ളത്(പരിസ്ഥിതി ഡോക്യുമെന്ററി), ജ്ഞാനസാരഥി(ഹിസ്റ്ററി ഡോക്യുമെന്ററി) എന്നിവയും ചെയ്തിട്ടുണ്ട്. തൃശ്ശൂർ ആസ്ഥാനമായി പ്രവർത്തിക്കുന്ന ഡിജിറ്റൽ ഫിലിം മേക്കേഴ്സ് ഫോറം ട്രസ്റ്റിന്റെ ചെയർമാനാണ്.
പിതാവ്: ശങ്കരൻ. മാതാവ്: കോമളം(Late). ഭാര്യ: കെ.പി. രമ. മക്കൾ: നിവേദ, നവീൻകൃഷ്ണ, അഖിൽകൃഷ്ണ.
