ശബ്ദം പ്രപഞ്ചത്തിനു ഹേതു
പ്രപഞ്ചം ജീവനു ഹേതു
ജീവൻ അർത്ഥത്തിനു ഹേതു
അർത്ഥം പദത്തിനു ഹേതു

അർത്ഥമെഴും ശബ്ദം
ചിന്തക്കേറെ നിറമേകി
ചിന്തയും വിചിന്തനവും
കോർത്ത് വേദമുണ്ടായി

വെളിച്ചം പകർന്നു വേദങ്ങൾ
അറിവിൽ മദിച്ചു ജീവികൾ
വേദം ക്ലൗഡിലാക്കി ജീവികൾ
അർത്ഥം മറയാക്കി ജീവികൾ

വഴി തെറ്റി ചിന്തകൾ
വാഴ്ത്തുന്ന ജീവികൾ
വിനാശകരമായി ശബ്ദം
വാനം നോക്കുന്നു മാനം

നിഴലായ് കൂടുന്നു കറുപ്പ്
നുരയായ് കയറുന്നു കറുപ്പ്
തലയിൽ മുഴങ്ങുന്നു കറുപ്പ്
തലകൾ കൊയ്യുന്നു കറുപ്പ്!