രണ്ട് പതിറ്റാണ്ട് പിന്നിട്ട കവിത: ഇരുപത് വർഷം മുൻപ്, 2001ൽ, ദേശാഭിമാനി വരികയിൽ  പ്രസിദ്ധപ്പെടുത്തിയ കവിതയുടെ ഓൺലൈൻ പ്രസിദ്ധീകരണം.

തന്റെ കാവ്യ ജീവിതത്തിലെ ഏറ്റവും മികച്ച അടയാളപ്പെടുത്തലാണ്, ‘ബുൾഡോസറുകളുടെ വഴി’ യെന്ന് കവി രാജൻ കൈലാസ്. 2007ൽ, ‘ബുൾഡോസറുകളുടെ വഴി’ യെന്ന പേരിൽ കവിതാ സമാഹാരം പ്രസിദ്ധീകരിച്ചു. 2012ൽ രണ്ടാം പതിപ്പും 2024ൽ മൂന്നാം പതിപ്പും ഇറങ്ങി. ആലപ്പുഴ നാദം ബുക്സാണ് മൂന്നാം പതിപ്പ് പ്രസിദ്ധീകരിച്ചിരിക്കുന്നത്. ആദ്യ രണ്ട് പതിപ്പുകളും പ്രസിദ്ധീകരിച്ചത് ഫേബിയൻ ബുക്സാണ്.

‘പെൻസിൽ കൊണ്ടെഴുതുമ്പോൾ’, ‘നരിമാൻ പോയിന്റ്’, ‘ഉപ്പ്’, ‘ബുൾഡോസറുകളുടെ വഴി’, ‘വള്ളികുന്നത്തെ കമ്മ്യൂണിസ്റ്റുകൾ’, ‘കോവളം’, ‘അക്ഷരപ്പാലം’, ‘കറുപ്പ്’, ‘മോർച്ചറി’, ‘ഗുരു’, ‘വഴികൾ’, ‘ശംഖ്’, ‘കടത്ത്’, ‘അമ്മ അറിയുന്നത്’, ‘ഹൃദയരോഗം’, ‘ജാതകം’, ‘മഴപോലെ’, ‘മധ്യവേനൽ’, ‘വിഷുക്കൈനീട്ടം’, ‘ഒരു പ്രണയത്തിന്റെ ആമുഖം’, ‘പുതുവായ് മൊഴികൾ’, ‘നീ’, ‘എളുപ്പം’, ‘കയ്യക്ഷരങ്ങൾ’, ‘നരൻ’, ‘ബ്രേക്ക് ഡാൻസ്’, ‘പടിയിറങ്ങിപ്പോയ പാർവതി’, ‘പഴയ സഖാവിന് പുതിയ വിലാസത്തിൽ’, ‘മ(ണം)നം പുരട്ടൽ’ എന്നീ കവിതകളാണ് സമാഹാരത്തിൽ ഉൾപ്പെടുത്തിയിരിക്കുന്നത്. മൂന്നാം പതിപ്പിൽ, എം. കെ. ഹരികുമാർ, കാവാലം ബാലചന്ദ്രൻ, സി. ജീവൻ എന്നിവർ ഈ പുസ്തകത്തെകുറിച്ച് പഠനങ്ങൾ എഴുതിയിരിക്കുന്നു.