Published on: January 31, 2025
കടക്ക് പുറത്ത്
പാപിയായപ്പോൾ അശരീരി പറഞ്ഞു,
കടക്ക് പുറത്ത്
പത്താം മാസം അമ്മ പറഞ്ഞു,
കടക്ക് പുറത്ത്
പത്തിൽ അദ്ധ്യാപകൻ പറഞ്ഞു,
കടക്ക് പുറത്ത്
പൗരോഹിത്യത്തെ തൊട്ടപ്പോൾ മതം പറഞ്ഞു,
കടക്ക് പുറത്ത്
പ്രേമിച്ചു കെട്ടിയപ്പോൾ അച്ഛൻ പറഞ്ഞു,
കടക്ക് പുറത്ത്
പ്രകോപിതനായപ്പോൾ ശ്വശുരൻ പറഞ്ഞു,
കടക്ക് പുറത്ത്
പട്ടിണി മൂത്തപ്പോൾ ഭാര്യ പറഞ്ഞു,
കടക്ക് പുറത്ത്
പിന്നീട് അന്യദേശക്കാരും പറഞ്ഞു,
കടക്ക് പുറത്ത്
പുരയിലെത്തി അച്ഛനമ്മമാരോട് പറഞ്ഞു,
കടക്ക് പുറത്ത്
പതിയിരുന്ന മക്കളും പറഞ്ഞു,
കടക്ക് പുറത്ത്
പ്രായേണ നാട്ടിൻ പാട്ടായി, ഭാഷയായി:
‘കടക്ക് പുറത്ത്!’
ബി. അശോക് കുമാർ: തൃശ്ശൂർ മരത്താക്കര സ്വദേശി. ആകാശവാണി മംഗലാപുരം നിലയം റിട്ട. ഡപ്യൂട്ടി ഡയറക്ടർ. പ്രതിഭാവം മാനേജിങ് എഡിറ്റർ(2000 ജനുവരി to നവംബർ 15) പ്രവർത്തിച്ചിട്ടുണ്ട്.
നിലവിൽ, ഡിജിറ്റൽ ഫിലിം മേക്കേഴ്സ് ഫോറം ട്രസ്റ്റ് എക്സിക്യൂട്ടീവ് അംഗമാണ്. കേരളത്തിലെ ആദ്യത്തെ കമ്മ്യൂണൽ സ്കൂളായ നമ്പൂതിരി വിദ്യാലയത്തിൻറെ ചരിത്രം പറയുന്ന ‘ജ്ഞാനസാരഥി’ ഡോക്യുമെന്ററിയുടെ നരേഷൻ അശോക് കുമാർ ആണ് ചെയ്തിരിക്കുന്നത്.
