எங்க வீட்டு கோழிக்கூட்டில்
முட்டைப் போடும் பெட்டைக்கோழிக்கு
சேவல்கோழி
ஏழுமுறை இடம் பார்க்கும்.
முட்டையிட சரியான இடம்பார்த்து
அதில் அமர்ந்து பொட்டை கோழிக்குக் காட்டும்.
அதன் பிறகு பொட்டைக்கோழி வந்து
முட்டையிடும் கூட்டிற்க வெளியே
நிற்கும் சேவல்கோழி கொக்கரகோவென
சத்தம் போடும்.
அந்த வீட்டின் ஓரத்தில் குழந்தைப் பெற்ற
பொண்ணொருத்தி பால்குடி மாறா
குழந்தையோடு ஏமாற்றிவிட்டு போன
கணவனை வாயில வந்த வார்த்தையெல்லாம்
சொல்லிச் சொல்லி
திட்டிக்கொண்டிருந்தாள்…