Published on: May 14, 2025
മഴ ഇടവപ്പകല്‍വേല
കാറ്റോടി കടലോടി
മഴയായീ മാനത്ത്
കരിമുകിലിൻ ചികുരം
പൊരിവേനൽ കൊമ്പത്ത്
കരിവാളിപ്പെരുത്തീയിൽ
ഉരുകിപ്പകലറുതിയ്ക്ക്
കരിമുകിലിൻ ചികുരം
കാവറിയും കുന്നത്ത്
കാറ്ററിയും കൊമ്പത്ത്
ഇടവത്തിന്‍ കൊടിയേറ്റ്
നടുതലകൾ മുളയിട്ടും
മുളശംഖാല്‍ മൂളിച്ചും
തിരുവാതിര വിളക്ക്
കരിമുകിലാനപ്പുറമോ
ചെങ്കതിരോൻറെ തിടമ്പ്
ഇടിമിന്നൽ കനൽചൊരിയും
മഴവെയിൽ പാതിയെഴുന്നള്ളും
മഴ ഇടവപ്പകല്‍വേല!
Trending Now
പ്രതിഭാവം വാട്സ്ആപ്പ് ഗ്രൂപ്പിലേക്കു സ്വാഗതം🌹
അനുഭൂതി ശ്രീധരൻ: കോട്ടയം പുതുപ്പള്ളി ഇരവിനല്ലൂർ പിണയ്ക്കാമറ്റത്തില്ലത്ത് ജനിച്ചു. കോട്ടയം വി പബ്ലിഷേഴ്സിൽ മലയാള വിഭാഗം എഡിറ്റോറിയൽ അസിസ്റ്റന്റ്. ‘അനുഭൂതി കവിതകൾ’ എന്ന കവിതാ സമാഹാരം പ്രസിദ്ധീകരിച്ചിട്ടുണ്ട്. ഭാര്യ: ശാന്തി. മക്കൾ: അരുന്ധതി, അരുൺ.
