വൃശ്ചികക്കാറ്റേല്‍ക്കുന്ന
വടക്കുന്നാഥനു മുന്നില
ന്നൊട്ടു നേര്‍ത്ത പ്രഭാതത്തില്‍
കണ്ടാദ്യം, കണികണ്ടപോല്‍…
കള്ളിഷര്‍ട്ടും കരനേര്‍ക്കും
മുണ്ടുടുത്തു മെലിഞ്ഞൊരാ;-
ളെന്‍റെ കാവ്യവയല്‍പാട-
ത്തെന്നും കതിരിട്ടു നിന്നൊരാള്‍.
‘വൈലോപ്പിള്ളി’യെന്നച്ഛന്‍
വായ്പൊളിച്ചല്പമെങ്കിലും
പിന്നെയോടിക്കരം തൊട്ടു
തന്‍കരം ചേര്‍ത്തെടുത്തയാള്‍.
കന്നികായ്ക്കുന്ന മാവേറെ
പൊന്നണിഞ്ഞു നിറഞ്ഞപോ
ലെന്‍റെയുള്ളിലുമാ നാടന്‍
പൊന്നുടമ്പ് ചലിച്ചപോല്‍…
കുഞ്ഞുതുമ്പക്കുടം മൂര്‍ദ്ധാ
വഞ്ചിതം ചൂടിയോ ബലി!
അങ്കണത്തൈമാവിന്‍ പൂ
ങ്കൊമ്പ്, ഞാന്‍ കണ്ട വിസ്മയം!!
Trending Now
Showing Slide 1 of 10: അനുരാഗ ഗാനം പോലെ/ഇ. സി. സുരേഷ് എഴുതിയ എം. എസ്. ബാബുരാജ് ഓർമ
പ്രതിഭാവം വാട്സ്ആപ്പ് ഗ്രൂപ്പിലേക്കു സ്വാഗതം🌹
അനുഭൂതി ശ്രീധരൻ: കോട്ടയം പുതുപ്പള്ളി ഇരവിനല്ലൂർ പിണയ്ക്കാമറ്റത്തില്ലത്ത് ജനിച്ചു. കോട്ടയം വി പബ്ലിഷേഴ്സിൽ മലയാള വിഭാഗം എഡിറ്റോറിയൽ അസിസ്റ്റന്റ്. ‘അനുഭൂതി കവിതകൾ’ എന്ന കവിതാ സമാഹാരം പ്രസിദ്ധീകരിച്ചിട്ടുണ്ട്. ഭാര്യ: ശാന്തി. മക്കൾ: അരുന്ധതി, അരുൺ.
