ಹೆ ೦ ಅಶೆಂಚ

ನಿತ್ಯಾನಮ ಚುಕಲೊ ತಸೊ ಮನಿಸ ಸಾಮಕೊ ಪಿಶಾರ ಪಡಿಲ್ವಾವರಿ ಜಾತಾ ಪಳಯಾ. ಕಿತ ತರಿ ತಾಕಾ ಕರಚೆ ಆಶ ದಿಸತಾ; ಪೂಣ ತೆ ‘ಕಿತೆ ತರಿ’ ಮ್ಹಳ್ಯಾರ ಕಿತ, ಹ ಕಾಂಯ ತಾಕಾ ಕಳನಾ. ಅಖೆರ ಜಾತಾ ಕಿತೆ ಕಾಯ ಮ್ಹಳ್ಯಾರ, ತೂ ಕನ್ನಯ ಆಶಿಲ್ಲೆ ತ ಕರತಾ ಅನಿ ಜಾವನಯೆ ಆಶಿಲ್ಲೆ ತೆ ಜಾಲ್ಯಾಶಿವಾಯ ಕಾಯ ರಾವನಾ.

ತಾಜೆಂ ಅಶೆಂ ಜಾಲೆ ಆಮ್ಕಾಂ ಆಶಿಲ್ಲಿ ಕೊಲೆಜಾಚಿ ರಜಾ. ರಜಾ ಪಡಲ್ಯಾರ ಜಾಲೆ ಆಠ ಧಾ ದಿಸ. ಪೂಣ ಸಿನಿಯರ ಬಿ. ಎ. ತ ಆಸಲೊ ತರಿ ಅನಿ ಪರಿಕ್ಷಾ ಅಗದಿ ತೊಂಡಾರ ಆಯಲಿ ತರಿ, ಮಳಿಲ್ಲಿ ರಜಾ, ಆಮಚೆಸಾರಖೆ ಫಕ್ಕಡ ವಿದ್ಯಾರ್ಥಿ, ಅಭ್ಯಾಸಾಸಾರಖ್ಯಾ ಕಂಟಾಳವಾಣ್ಯಾ ವಿಷಯಾಂತ ಕೆಣ್ಣಾಚ ಫಾಲಚೆ ಸಾರಖೆ ನಾತ. ತಸಲೆ ತ ಸಗಳೆ ಸಾಂಗಚಿ ಅಸಲ್ಯಾರ ತ ಸಗಳೆ ಸಾಂಗಚಿ ಮಾಧವಾಸಾರಖ್ಯಾ ವಿದ್ಯಾರ್ಥ್ಯಾಕ. ಆಮಿ ಕರಚಿ ಕಿತೆ ಕಾಯ ಮ್ಹಳ್ಯಾರ ಣವ ವಾಜತಾನಾಂ ಉಟಚೆ – ಸಕಾಳಂಚಿ ಮೃಷ್ಟಾಂ ಆಶಿಲ್ಲೊ, ಪೂಣ ಣವ ಮ್ಹಳ್ಯಾರ ನ್ಹಯ್ ಸಕಾಳ, ನ್ಹಯ್ ದನಪಾರ; ತನ್ನಾ ಸಕಾಳಚಿ ಉಟ್ಟಾ ಮ್ಹಣಾ ಅನಿ ಮಾಧವಾಲೆ ತಾಜರ ಏಕ ಲಾಂಬಲಚಕ ಲೆಕ್ಟರ ಆಯಕಯಾ ಹ ಕಿತ್ಯಾಕ? ಆಪಣ ಅಮೂಕ ವಾಜತಾನಾ ಉಟ್ಟಾತ ಮ್ಹಣಚಿ ಅನಿ ಮೀಠ ಖಾಲ್ಸಾ ಕಿರಾವರಿ ಬಸಚಿ ಹೆ ಬರೆ-ಸಾವಕಾ ಸಾಯನ ಬ್ಯಾ ಬಿ ಪಿವಚೊ. ತಾಂಜಾನಂತರ ಲ್ಹಾನ ಭಾವ ಭೈಣಿ ಬಿ ಆಸಲ್ಯಾರ ತಾಂಗೆಲ್ಯಾ ಕಾನಾ ಧನ್ನ ಹಾಣ್ಣ ತಾಂಕಾ ಅಭ್ಯಾಸ ಕರಚ್ಯಾ ಬಸೊವಚಿ; ಅನಿ ಆಪಣ ಟೆನಿಸಚಿ ರೆಕೆಟ ಘವನ ಭಾಯರ ಪಡತಾಂ ಪಡತಾಂ, ದಲಾಂತಲ್ಯಾನ ಎದೆ ವ್ಹಡಲೆ ಡೊಳೊ ಕನ್ನ, ತಾಂಚೆರ ಅನಿ ಏಕ ಧೆಕಾರೊ ಘಾಲ್ನ ಟಪ್‌ಟಪ್ ಕನ್ನ ಸ್ಲಿಪರ್ಸ್ ವಾಜಯತ ಅನಿ ಹಾತಾಂತಲಿ ರೆಕೆಟ ಫಿರಯತ, ಟೆನಿಸ ಖೆಳಚ್ಯಾ ವಚ್ಚೆ ಹೊ ಆಮಗೆಲೊ ನಿತ್ಯಾನಮ. ತಾಂಜಾನಂತರ ಅಕ್ರಾ ತ ದೋನ ಅಡಿಚ ವಾಜಪರ್ಯಂತ ಪೃಥ್ವಿ ಸೂರ್ಯಾ ಭೊಂವತಣಿ ಫಿರತಾ ಕಿ ಸೂರ್ಯಾ ಪೃಥ್ವಿ ಭೊಂವತಣಿ ಫಿರತಾ, ಕಿ ದೊಗಾಚ್ಯಾಯ ಭೊಂವತಣಿ ದೊಗಿ ಫಿರಚನಾತ, ಕಿ ದೋನಿ ಖರೋಖರಚ ಆಸಾತ ಕಿ ಕಿತೆ ಹೆ ಕಾಂಯ ಆಮ್ಕಾ ಕಳನಾ. ಕಾರಣ ಖಾಟೆ ವೈಲಾನ ಹಾಂವ ಜೆನ್ನಾ ಡೊಳೊ ಪುಸತ ಪುಸತ ಪಳಯತಾಂ, ತನ್ನಾಚ ಮಾತ್ರ ಹೊಳು ಹೊಳು ಹ್ಯೊ ಸಗಳ್ಯೊ ಗೊಷ್ಟಿ ಮಗೆಲ್ಯಾ ಮಾತ್ಯಾಂತ ಯವಚ್ಯಾ ಲಾಗತಾತ. ಅಸ್ತು. ಹಾಂವ ಸಗಳಿ ಖಂಯ ಸಾಂಗಚ್ಯಾ ಬಸತಾಂ ಮ್ಹಂಟಾ? ಹೆ ಮಾತ್ರ ಸಾಂಗಲ್ಯಾ ಶಿವಾಯ ಗತ್ಯಂತರ ನಾ ಕಿ ಸಾಡ ಪಾಂಚ, ಸ ವಾಜತಾನಾಂ ಸುಮಾರ ಮಗೆಲ್ಯಾ ಅಗದಿ ಲಂಗೊಟಿ ದೂಸ್ತ ಮಾಧವಾನ ಆಮಗರ ಯೆವಚೆ, ಆನಿ ಆಮಿ ದೊಗಿಜಾಣ ಮೇಳನ ಮಾಗಿರ ಫಿರಚ್ಯಾ ವಚ್ಚೆ, ಹೊ ಆಮಗೆಲೊ ನಿತ್ಯಾನಮ. ರಜಾ ಪಡತಾ ಲಗಾಯತ ತೊ ಪಾಂಚ ವಾಜತನಾಂಚ ಯೇತಾಲೊ; ಪೂಣ ಕಿತೆಂ ಜಾಲೆ ಕೊಣಾಖಬರ, ಪೈರ ತೊ ಸದಾಂಪ್ರಮಾಣಿ ಆಯಲೊ ನಾ. ತೊ ಆಯಲೊ ನಾ ಮ್ಹಣ ಹಾಂವೆ ತಾಗೆಲ್ಯಾ ಖೋಲ್ಯಾಂತ್ ವಚೂನ ಪಳ್ಳೆ, ತರ ಖೋಲ್ಯಾಕ ಕುಲೂಪ! ಹೊ ಗೆಲೊ ಖಂಯ? ಆನಿ ಮಾಕಾ ತಾಣೆಂ ಕಾಂಯಚ ಕಳ್ಳೆ ನಾ ತ ಕಶ? ಕಿತೆಂಯಿ ಜಾಲೆಂ ಬಿ ನಾಮು ತಾಗೆಲ್ಯಾ ಘರಾಕಡೇನ? ಹೆ ಆನಿ ಕಿತ್ಲೆಚೀ ಬರೆ ವಾಯಟ ವಿಚಾರ ಮಗೆಲ್ಯಾ ಮನಾಂತ ಆಯಲೆ, ಆನಿ ಕೋಲೆಜಾಚ್ಯಾ ರೆಸಿಡೆಂಸಿತಲ್ಯಾ ತಾಗೆಲ್ಯಾ ಖೋಲ್ಯಾಕಡಚ್ಯಾನ ಹಾಂವ ಹಳೂಚ ಪಾಂಯ ಕಾಡಲೊ. ಕೊಣಾಕಯ ವಿಚಾರತಲೊ ಮ್ಹಳ್ಯಾರ ಮಾಕಾ ಥಂಯ ಕೊಣಚ ದಿಸೆಲೊ ನಾ. ಸಹಜಚ ಅಸಾ. ಸ ವಾಜತಾನಾಂ ಅನಿಕ ರಜಿಚ್ಯಾ ದಿವಸಾಂತ್, ಕೋಲೆಜಚೆ ಚಲೆ ಖೋಲ್ಯಾಂತ್ ಉರ್ಲ್ಯಾರ ಹ ಜಗಚ ಉಪರಾಟೇ ಜಾಯತ ಮುಂ! ಹೊ ಯೇತಲೊ ಫಾಲ್ಯಾಂ; ಗೆಲಾ ಆಸತಾಲೊ ಖಂಯ ಅಸೊಚ, ಅಶೆಂ ಮ್ಹಣ ಹಾಂವ ತ್ಯಾ ದಿಸ ವೊಗಿ ರಾವಲೊ. ಕಾಲಯಿ ಜೆನ್ನಾ ತೊ ಆಯಲೊ ನಾ ತೇನ್ನಾ ಮಾತ್ರ ಮಾಕಾ ಕಿತೇಶೀಚ ಜಾವಚ್ಯಾ ಲಾಗಲೆ, ಕಾರಣ ಆಜಪರ್ಯಂತ ಅಶೆಂ ಕೆಣ್ಣಾಂಚ ಜಾಲೆ ನಶಿಲ್ಲೆ. ಖಂಯ ಜರಿ ತೊ ಗೆಲ್ಲೊಂ ತರಿ ಮಾಕಾ ಸಾಂಗಲ್ಯಾಶಿವಾಯ ವಚನಾ ಆಶಿಲ್ಲೊ, ಆನಿ ಯದಾಕದಾಚಿತ ಗೆಲೊ ತರಿ ತಸೆ ತೊ ಮಗೆಲ್ಯಾ ಆವಯಕ, ನಾ ಜಾಲ್ಯಾರ ಭೈಣಿಕ, ನಾ ಜಾಲ್ಯಾರ ಕೊಣಾಕಯ ತಶ ಸಾಂಗೂನಚ ವತಾಲೊ. ಮಗೆಲಿ ಆನಿ ತಾಗಿಲಿ ದೋಸ್ತಿಂ ಅಶಿ ಆಶಿಲ್ಲಿ. ಬ್ಯಾ ಹೊಟೇಲಾಂತ್ ನಾಜಾಲ್ಯಾರ ಸಿನೆಮಾ ಥೇಟರಾಂತ್ ಸಿಗರೇಟ ಒಡತಾನಾಂ ಜಾಲ್ಲಿ ಮೈತ್ರಿ ನ್ಹಂಯಿ ತೀ “ಸಮಾನಶೀಲ ವ್ಯಸನೇಷು ಸಖ್ಯಮ್” ಹೊಯಿ ಬಿ ನ್ಯಾಯ ಆಮ್ಕಾ ಲಾಗೂ ಜಾವಚೊ ನಾ. ಕಾರಣ ಆಮ್ಚ್ಯಾ ಭಿತರ ಸಾಮ್ಯ ಜಿತಲೆ ಪಳಯ ತಜ್ಯಾಪಕ್ಷಾ ವೈಷಮ್ಯಚ ಜಾಸ್ತ ಆಶಿಲ್ಲಿ. ಮಾಧವ ಮ್ಹಳ್ಯಾರ ಕಿತ? ಗುಣಾಚೊ ಪುತಳೊ. ಸರಸ್ವತಿ ತರ ತಾಗೆಲ್ಯಾ ಜಿಬಿರಚೀ ನಾಚತಾಲಿ. ದಿಸಚ್ಯಾಕ ಜರಿ ತೊ ಮಜಿವರಿ ಮಾರುಕುಲ್ಯಾ ಬೈಲಾವರಿ ದಿಸನಾಶಿಲ್ಲೊ ತರಿ ಪೂಣ ತಾಗೆಲ್ಯಾ ಆಂಗಾಂತ ತಾಕದ ಆನಿ ಸಹನಶಕ್ತಿ ಬರೀಚ ಆಶಿಲ್ಲಿ. ಮಾಕಾತರ ತಾಣೆಂ ಆಪಣಾಲ್ಯಾ ಆನಂದಿ ಆನಿ ಮಾಯಾಳೂ ಸ್ವಭಾವಾನ ಸಾಮಕ ಪಿಶೆಚ ಲಾಯಿಲ್ಲೆ. ಶಿವಾಯ ತಾಜ್ಯಾಬರೋಬರ ಆಶಿಲ್ಲೇ ನಿಮಿತ್ತೀಚ, ಹಾಂವ ಸಿನಿಯರ ಬಿ. ಎ ಪರ್ಯಂತ ಮಜಲಾ ಮಾರಬ್ಯಾಕ ಶಕಲೊ. ಆಮಿ ದೊಗಿಜಾಣ ಫಿರಚ್ಯಾಕ ವತಸ್ತಾನಾಂಚ ತೊ ಇತಲಿ ಮಾಹಿತಿ ಮಾಕಾ ದಿತಾಲೊ ಕಿ ತಾಣೆಂ ಸಾಂಗಿಲೆಂಚ ಜರಿ ಧ್ಯಾನಾಂತ ದವರಲ್ಲೆಂ ತರಿ ಪೂಣ ಸೆಕಂಡ ಕ್ಲಾಸ ಸಹಜ ಮಿಳಯೇತ. ತುಮಿ ಹಾಂಸತ ಕದಾಚಿತ ಪೂಣ ಖರೆಂ ಸಾಂಗತಾ, ಹಾಂವ ಜರ ಚಲಿ ಜಾಲ್ಯೊ ತರ ಮಾಧವಾ ಶಿವಾಯ ದುಸರ್ಯಾ ಕೊಣಾಚ್ಯಾಯ ಗಳ್ಯಾಂತ ಜೀವ ಗೆಲೊ ತರಿ ಮಾಳ ಘಾಲನಾ ಆಶಿಲ್ಲೊಂ. ಆನಿ ಮಾಧವ ಕಾಲಯಿ ಜೆನ್ನಾ ಆಯಲೊ ನಾ ತೇನ್ನಾ ಖರೆಚ ಮುಂಬೈತ ನವ್ಯಾ ಹಾಡಿಲ್ಲ್ಯಾ ವ್ಹಕಲೆಕ ಘೆವ್ನ ಹಾಪಿಸಾಂತಲ್ಯಾನ ಯೇವಚ್ಯಾ ವೇಳ ಜಾಲ್ಯಾರ ಜಶೆಂ ಜಾತಾ ಪಳಯಾ ತಶೆಚ – ತಾಜ್ಯಾಪಕ್ಷಾ ಸಹಸ್ರಪಟಿನ ಜಾಸ್ತ ಮಾಕಾ ಜಾಲೆಂ. ಆನಿ ಹಾಂವ ಪಿಶಾರ ಪಡಿಲ್ವಾವರಿ ಜಾಲೊಂ. ಆಯ್ಚೊ ಸಗಳೊ ದೀಸ ಕಸೊ ಕಾಡಲೊಂ ಹೊ ಮಗೆಲೊ ಮಾಕಾಚ ಖಬರ! ಸಕಾಳಿ ಧಾ ವಾಜತಾನಾಂ ಹಾಂವ ತಾಗೆಲ್ಯಾ ಖೋಲ್ಯೇಚೇರ ವಚೂನ ಆಯಲೊಂ ಪೂಣ ಅಪಶಕುನಿ ಅಶೆಂ ತೆಂ ಕುಲೂಪ ಪಳೊನ ಫಾಟಿ ಫಿರ್ಲೊಂ. ಟಪಾಲಾಂತಲ್ಯಾನಯಿ ಬೀಕಾಂಯಚ ಆಯಲೆ ನಾ. ಅಗರೀಕ ಕಂಟಾಳೊನ ಪಾಂಚ ವಾಜತಾನಾ ಸುಮಾರಾ ಫೋನೋಗ್ರಾಫ ತರಿ ಲಾವಯಾಂ ಮ್ಹಣ ಹಾತಾಂತ ಆಯಿಲ್ಲಿ ಏಕ ಪ್ಲೇಟ ಕಾಣ್ಣ ಲಾಯಲಿ. ಆನಿ ನಶೀಬ ಕಿತೆಂ ಪಳಯಾ ತೀ ಪ್ಲೇಟ ಪೂಣೀ ಕೊಚೊಂಯಿ ಪಹಿಲ್ಲಿಚ ನ್ಹಾವಚಿ ಮ್ಹಣ ಆಸಾ? “ಮಂಗಲ…ಮಂಗಲ…ಮಂಗಲ” ಅಶಿ ತೀ ದಾತೆ ದಳಿಲ್ಯಾವರಿ ಜಶೆ ದಳಚ್ಯಾಕ ಲಾಗಲಿ ತಶೆಂ ಮಾಕಾ ಇತಲೊ ರಾಗ ಆಯಲೊ ಕಿ “ಥಾಂಬ ತುಜೆಂ ಮಂಗಲ ಕರತಾ ಆತಾಂ” ಅಶೆಂ ಮ್ಹಣ ಹಾಂವೆ ಜೋರಾನ ತ್ಯಾ ಫೋನೋಗ್ರಾಫಾಚೆಂ ಧಾಕಣೆಂ ಧಾಡಾಯ್ಲೆಂ. ಫೋನೋಗ್ರಾಫ ಸರ್‌ರ್ ಕನ್ನ ಧುಕಳಿಲ್ಲೊ ತೊ ಫುಟಲೊ ಕಿ ಕಿತೆಂ ತಾಜಿಕಡೇನ ಹಾಂವೆ ಲಕ್ಷ ಸುದ್ಧಾ ದಿಲೆ ನಾ. ಬರೋಬರ ಸಾಡೆ ಸ ವಾಜಲೆ. ಆತಾಂ ಮಗೆಲೊ ಮಾತೊ ಸಾಮಕೊ ತಾಪೂನ ಗೆಲೊ. ತ್ಯಾಖಾತಿರ ಹಾಂವ ಫಿರಚ್ಯಾ ಮ್ಹಣ ಭಾಯರ ಪಡಲೊಂ. ಖಂಯ ವಚ್ಚೆಂ ಹಾಜೊ ವಿಚಾರ ಕರ್ನಾಸ್ತಾನಾಂ ಹಾಂವ ಮಲಬಾರ ಹಿಲ್ಲಾ ಲಾಗಿ ಕಸೊ ಪಾವಲೊಂ ಹೆಚ ಮಾಕಾ ಕಳ್ಳೆಂ ನಾ. ಸದಾಂಚ್ಯಾ ಸಂವಯನ ಜಾವಚ್ಯಾ ಫಾವಂ ಆಸಾ. ಹಾಂವ ಜೆನ್ನಾ ಧ್ಯಾನಾರ ಆಯಲೊಂ ತೇನ್ನಾ ಕಾಳೊಕ ಪಡಚ್ಯಾಕ ಸುರು ಜಾಲ್ಲೊಂ. ರಸ್ತ್ಯಾಚ್ಯಾ ದೊನಿ ಬಾಜುಂಕ ದಿವೆ ಲಾಗಿಲ್ಲೆ. ತೆ ಇತಲೆ ನಿಸ್ತೇಜ ದಿಸ್ತಾಲೆ ಕಿ ಚಾರಿ ಬಾಜುಂನಿ ಆಯಲ್ಲೊ ಕಾಳೊಕ ತಾಕಾಂ ಥೊಡ್ಯಾಚವೇಳಾಂತ್ ಗಿಳಣ ಘೆತಾತ್. ಪಾಂಯಾಂಮುಳಾಂತ್ ಗುಳಗುಳಿಚೊ ಕಾಳೊಕುಟ್ಟ ರಸ್ತೊ. ಮಾತ್ಯಾರ ಧುಕಟ್ಯಾ ಮೊಡಾಂನಿ ಭರಿಲ್ಲೊ ಮಳಬ, ಆನಿ ಎಕಸಾರಕೊ ವಾಢತ ವತಲೊ ಕಾಳೊಕ. ಹಾಂವ ಏಕ ಕಾಳ್ಯಾಕುಟ್ಟ ಘೋಲಿಂತಚ ಆಸಾಂ ಕಿ ಕಿತೆಂ ಅಸೊ ಮಾಕಾ ಭಾಸ ಜಾಲೊಂ- ಆನಿ ತೆ ದಿವೆ ತರ ಕಾಳೊಕ ಜಾಸ್ತಚ ಕಾಳೊ ಕನ್ನ दाखಖಯ್ತಾಲೆ. ಮಗೆಲೆಂ ಮನ ಅಗದಿ ಅಸ್ವಸ್ಥ ಜಾಲ್ಲೆಂ ಆನಿ ಹಾಂವ ಆಮಗೆಲ್ಯಾ ನಿತ್ಯಾಚ್ಯಾ ಜಾಗ್ಯಾರ ವಚೂನ ಬಸಚೆಂ ಮ್ಹಣ ಹಿಲ್ಲ ಚಡಚ್ಯಾಕ ಲಾಗಲೊಂ. ಕಿತ್ಲೆ ಲೋಕ ರಸ್ತ್ಯಾನ ಯೇತಾಲೆ ವೈತಾಲೆ. ಕೊಣಾಕಡೇನ ಪಳಯ್ನಾಸ್ತಾನಾ ಮಾನ ಸಕಲ ಘಾಲನ ಹಾಂವ ಚಲತಚಿ ಆಶಿಲ್ಲೊಂ. ಕ್ರೀರ್‍ ಅಸೊನಿ ಆವಾಜ ಕಾಣ್ಣ ಏಕ ಕಾಳಿಚ ಮೊಟಾರ ಮಜ್ಲಗಿಚ್ಯಾನ ಗೆಲಿ. ತ್ಯಾ ಆವಾಜಾಕ ಭಿಯೆನಚ ಕಿ ಕಿತೆಂ, ಲಾಗಿಚ್ಯಾ ಆಂಬ್ಯಾ ರುಕಾವೈಲ್ಯಾನ ದೋನ ಕಾವಳೆ ಕಾಂ ಕಾಂ ಕನ್ನ ಉಬ್ಣ ಗೆಲೆ. ಹೆ ಸಗಳೆಂ ಪಳೊನ ಮಾಕಾ ದುಃಖ ಕಿಂವಾ ಆನಂದ ಅಸೊ ಕಾಂಯಚ ಜಾಲೊ ನಾ. ಲೊಹಚುಂಬಕಾನ ಒಡಿಲ್ಲ್ಯಾವರಿ ಮಗೆಲೆ ಪಾಂಯ ಸದಾಂಚ್ಯಾ ಜಾಗ್ಯಾಕಡೇನ ಒಡ್ತಾಲೆ. ತ್ಯಾ ಜಾಗ್ಯಾರ ಕೊಣಕಿ ಬಶಿಲ್ಲೊಂ ಮಾಕಾ ದಿಸಲೊ.

ಮಾಧವ ಥಂಯ ಬಶಿಲ್ಲೊಂ. ತಾಗೆಲೊ ಏಕ ಹಾತ ಹಾತಾಂತ ಧರ್ನ ಹಾಂವಯ ಬಿ ಥಂಯಚ ಬಶಿಲ್ಲೊಂ. ವಾರೊ ಖಾವಚ್ಯಾಕ ಆಯಿಲ್ಲೆ ಕಿತ್ಲೆ ಕಿ ಲೋಕ ಆಮ್ಚ್ಯಾ ಮನ್ಶಾಂತ್ಲ್ಯಾನ ವತಾಲೆ ಪೂಣ ತಾತುಂತಲೊ ಏಕಟೆಯಿ ಆಮ್ಕಾಂ ಹಾಂಸಕುರೊ ದಿಸನಾಶಿಲ್ಲೊ. ತಾಂಗೆಲಿ ತೊಂಡಾಂ ಖಿನ್ನ ಜಾಲ್ಲಿಂ. ಹವ್ಯಾಂತಸುದ್ಧಾ ಆಜ ಫರಕ ಪಡಿಲ್ಲೊಂ. ಪಯ್ಲಿಚ ಕಾಳೊಕ- ಮಳಬ ಕಾಳ್ಯಾಕುಟ್ಟ ಮೊಡಾಂನಿ ಭರ್ನ ಗೆಲ್ಲೊಂ ಆನಿ ವ್ಹೊರ್ಯಾಂತ್ ಕಾಳೊ ಕುಟ್ಟ ಸಮುದ್ರ –

“ಮಾಧವ.” ಹಾಂವ ತಾಕಾ ಪರತ ವಿಚಾರ್ಲೆಂ, “ತೂ ಖಂಯ ಗೆಲ್ಲೊಂ?” ತಾಗೆಲ್ಯಾ ತೊಂಡಾಕಡೇನ ಪಳಯತಾ ಆಸತಾಂನಾ, ಮಗೆಲ್ಯಾ ದೊಳ್ಯಾಂತಲ್ಯಾನ ದುಃಖಾಂ ಯೇವಚ್ಯಾ ಲಾಗಿಲ್ಲಿ. ಮಾಧವಾನ ಆಪಣಾಲ್ಯಾ ತೊಂಡಾವೈಲ್ಯಾನ ಏಕ ಖೆಪ ಹಾತ his/ಫಿರಾವನ ಮ್ಹಳೆಂ “ನಾನೂ, ಹಾಂವ ತುಕಾ ಸಗಳೆಂ ಸಾಂಗತಾಂ. ಪೂಣ ತೂ ಮಾಕಾ ಮದೆಕತೀಚ ಪ್ರಶ್ನ ಬಿ ವಿಚಾರ್ನಾಕಾ.” ತಾಗೆಲ್ಯಾ ತೊಂಡಾರ ನಿರಾಶಾ ದಿಸತಾಲಿ ಆನಿ ಜೆನ್ನಾ ತಾಣೆಂ ದೊಳೆ ವೈರ ಕನ್ನ ಮಜಿಕಡೇನ ಪಳಯ್ಲೆ ತೇನ್ನಾಂ ತರ ಕಾಪಚ್ಯಾ ವ್ಹೊರತಲ್ಯಾ ಬಕರೇಲ್ಯಾ ದೊಳ್ಯಾಪರಿ ದಿಸಲೆ ತಾಗೆಲೆ ದೊಳೊ. ತಾಗೆಲ್ಯಾ ದೊಳ್ಯಾಂತಲ್ಯಾನ ದುಃಖಾಂ ಆಯಿಲಿಂ ಆನಿ ತಾಗೆಲ್ಯಾ ಪ್ರಯತ್ನಾಕ ಜುಮಾನಾ ನಾಸ್ತಾನಾಂ ದೋನ ಹುನಹುನಿಚೀ ದುಃಖಾಂ ಮಗೆಲ್ಯಾ ಹಾತಾರ ಪಡಲಿಂ.

ಥೊಡಶೆ ಖಾಕಿಲ್ಯಾವರಿ ಕನ್ನ ಆಪಣ್ಯಾಲೊ ಗಳೊ ಸಾಫ ಕನ್ನ ಘೆತಲೊ. ಚಾರಿ ಬಾಜೂನ ಝಟ್ ಕನ್ನ ದೊಳೆ ಫಿರಾಯ್ಲೆ, ಆನಿ ತಾಣೆಂ ಸಾಂಗಚ್ಯಾಕ ಸುರುವಾತ ಕೆಲಿ:-

“ನಾನೂ, ಮಗೆಲಿ ಖಬರ ಕಾಂಯ ವ್ಹಡ ಅಶಿ ನಾ.” ತಾಣೆ ಥೊಡೊ ಹಾಂಸಚ್ಯಾಕ ಪ್ರಯತ್ನ ಕೆಲೊ ಪೂಣ ತಾಗೆಲೆ ತೆ ಹಾಂಸೆ ಅಜೂನ ಮಗೆಲ್ಯಾ ದೊಳ್ಯಾ ಮುಕಾರ ಉಬರಾವತಾ. “ನಾನೂ, ಆನಂದರಾವಾನ ಮಗೆಲ್ಯಾ ಆಂಗಾಂತಲಿ ಹುಶಾರಿ ಪಳೊವನ ಮಾಕಾ ಪೈಲಿ ಹ್ಯಾ ಶಿಕ್ಷಣಾತ ಘಾಲೊ. ಘರಚಿ ಸ್ಥಿತಿ ಸಾಧಾರಣ ಆಶಿಲ್ಯಾವೇಲ್ಯಾನ ಆಮ್ಕಾಂ ಜರಿ ತಾಗಲಿ ಕಳಕಳ ಆನಿ ಮದತ ಮೆಳನಾ ಆಶಿಲ್ಲಿ ತರ ಇತಲ್ಯಾರ ಯೇವನ ಹಾಂವ ಪಾವನಾ ಆಶಿಲ್ಲೊ. ಫುಡೆ ಹಾಂವೆ ಸ್ಕಾಲರಶಿಪ ಬಿ ಮೆಳೊನ ಮಗೆಲೊ ಭಾರ ಸಾಬಾರ ತಾಜೇರ ಪಡಚ್ಯಾಕ ದಿಲೊ ನಾ ಹಿ ಗೊಷ್ಟ ವಗಳಿ. ಪೂಣ ತಾಣೇಂಚ ಫೂಡೆಸನ್ನ ಮಾಕಾ ಮಗೆಲೊ ಮಾರ್ಗ ದಾಕಯಲೊ. ಪೂಣ ತುಕಾ ಖಬರ ಆಶಿಲ್ರೊಚ ಖಬರೊ ಹಾಂವ ಕಿತ್ಯಾ ಸಾಂಗತಾಂ? ಜೆ ತುಕಾ ಖಬರ ನಾ ತೆಂಚ ತುಕಾ ಸಾಂಗತಾ. ಹಾಂವ ತೇನ್ನಾ ಇಂಗ್ಲೀಶ ಸಾಂತವಾಕ್ಯ ಆಶಿಲ್ಲೊ. ಆಮಗೆಲ್ಯಾ ದಲ್ಲ ಮುಕಾರಚ ವಿಷ್ಣು ಶೇಣೈಲೆ ಘರ ಆಶಿಲ್ಲೆ. ಮಗೆಲೊ ಆನಿ ವಿಷ್ಣು ಶೇಣೈಲ್ಯಾ ಚಲ್ಯಾಲೊ-ರಾಮಕೃಷ್ಣಾಲೊ-ಸ್ನೇಹ ಆಶಿಲ್ಲೊ. ತೊ ತೇನ್ನಾ ಚವಥ್ಯಾಂತ ಆಶಿಲ್ಲೊ. ಹಾಂವೆ ಅಣಿ ತಾಣೆ ಏಕಕಡೇನಚ ಅಭ್ಯಾಸ ಕರಚೊ. ತಾಕಾ ಕಿತೆಯ ಕಳನಾ ಜಾಲ್ಯಾರ ಹಾಂವೆ ದಾಕೊವಚೆ. ಅಭ್ಯಾಸಾಂತಚ ನ್ಹಯ ತರ ಖೇಳಾಂತಸುದ್ಧಾಂ ಆಮಗೆಲಿ ದೊಗಾಂಲಿ ಜೋಡಿ. ದಿವಸಾಚೊ ಸಗಳೊ ವೇಳ ಮಗೆಲೊ ತಾಂಗರಚ ವೆತಾಲೊ. ಜಾಸ್ತ ಕಿತೆ ಸಾಂಗೂ? ತ್ಯಾ ಘರಾಕ ಅಣಿ ಮಾಕಾ ನಿಕಟ ಸಂಬಂಧ ಯೇವಚ್ಯಾಕ ಅನಿ ಏಕ ಕಾರಣ ಆಶಿಲ್ಲೆ. ಅನೂ-ಅನುಸೂಯಾ, ರಾಮಕೃಷ್ಣಾಲಿ ಭೈಣ-ತಿ ತೇನ್ನಾ ಇಂಗ್ಲೀಶ ಪೈಲ್ಯಾಂತ ಆಶಿಲ್ಲಿ. ಹಾಂವ ತಿಜೆಬದ್ದಲ ತುಕಾ ಖೂಬ ಖೇಪ ಸಾಂಗಲಾ. ನಾನೂ, ಮಗೆಲ್ಯಾ ಆಯುಷ್ಯಾಂತ ಕ್ರಾಂತಿ ಕರಚೊ ತೊ ಪ್ರಸಂಗ ಕಿತಲೆಯ ಖೇಪ ಜರಿ ಸಾಂಗಲೊ ತರಿ ಮಾಕಾ ಸಮಾಧಾನ ಮೃಣ ಜಾಯ್ನಾ.” ಮಾಧವ ಗಪ್ಪ ರಾವಲೊ. ತಾಣೆ ಆಪಣ್ಯಾಲೆ ದೋಳೆ ಧಾಪಲೆ. ಪರತ ಏಕ ಲಾಂಬ ಅಸೊ ಸುಸ್ಕಾರೂ ಸೊಣ್ಣ ತೊ ಪರತ ಸಾಂಗತಾ, “ನಾನೂ, ತುಕಾ ತ ಕಾಲಿದಾಸಾಲೆ ವಾಕ್ಯ ಖಬರ ಆಸಾ? ‘ಭಾವ ಸ್ಥಿರಾಣಿ ಜನನಾಂತರ ಸೌಹೃದಾನಿ.’ ಮಗೆಲೆ ಮನ ಅನೂನ ಕೇನ್ನಾ ಕಾಣ್ಣ ಘೆತಲೆ ಹೆ ಮಹಾನ ಕಾಂಯ ಬರೋಬರ ಸಾಂಗಚ್ಯಾ ನಜೊ. ಹಾಂವ ತೇನ್ನಾ ಸಗಳೊಚ ಪಂದರಾಸೋಳಾ ವರ್ಸಾಚೊ ಆಶಿಲ್ಲೊ. ಆನಿ ಅನು ಧಾ ಆಕ್ರಾ ವರ್ಸಾಚಿ ಆಶಿಲ್ಲಿ ಅಶ ದಿಸ್ತಾ. ಪೂಣ ಹಾಂವ ತುಕಾ ಖರೆ ಸಾಂಗತಾಂ ಮಗೆಲಿ ತಾಜೇರ ಲ್ಹಾನಪಣಾಲಾಗಾಯತ ಏಕತರಚಿ ಪ್ರೀತ ಆಶಿಲ್ಲಿ. ತಾಕಾ ಆವಡಚ್ಯೊ ತಸಲ್ಯೊ ಗೋಷ್ಟಿ ಕರಚ್ಯಾಕ ಮಾಕಾ ಆನಂದ ದಿಸತಾಲೊ. ಮಗೆಲೆಚ ಮನ ತಾಜೇರ ಆಶಿಲ್ಲಿ ಆನಿ ತಾಗೇಲೆ ಮಜೇರ ನಾಶಿಲ್ಲೆ ಅಶೆ ನ್ಹಯ. ಯೆದ್ದಿಶಿ ಕಾಸ ಘಾಲಚ್ಯಾ ಕಳನಾಶಿಲ್ದಲ ಚಲಿ ತೀ ಪೂಣ ತಿಕಾಸುದ್ಧಾ ಹೆ ಕಳ್ಳೆ ಅಸಚ್ಯಾ ಫಾವಂ ಆಸಾ. ನಾಜಾಲ್ಯಾರ ಮಜಿಕಡೇನ ತೀ ಜೀವ ಕಿ ಪ್ರಾಣ ಕಿತ್ಯಾ ಕರತಾ ಆಶಿಲ್ಲಿ. ಹಾಂವ ಜೆ ಜೆ ಕಿತೆ ಕರತಾಂ ತ ತ ಕರಚ್ಯಾಕ ತಾಕಾ ಆನಂದ ಆನಿ ಸುಖ ಜಾತಾಲೆ. ಹಾಂವೆ ಅಮೂಕ ಯೇಕ ಕರ ಮ್ಹಳೇ ಆನಿ ತಾಣೆ ತೆ ಕೇಲೆ ನಾ ಅಶ ಕನ್ನಾಯ ಜಾಲೆ ನಾ. ಹಾಂವ ಸಾತವ್ಯಾಂತ ಆಶಿಲ್ಲೊ ತೇನ್ನಾವಿ ಖಬರ. ಮಾಳೇರ ಹಾಂವ ಚಿಕಣಮಾತಿ ಘೇವನ ಕೃಷ್ಣಾಚಿ ಮೂರ್ತಿ ಕರತರ ಬಶಿಲ್ಲೊ. ಹಾಂವ ಥಂಯ ಎಕಟೊಚ ಆಶಿಲ್ಲೊ. ಹಾಂ ಫಾಟಲ್ಯಾನ ಫಿರ್ನ ಜರ ಪಳಯಿ, ತರ ಅನೂ ಮಾಜ್ಯಾ ಫಾಟಲ್ಯಾನ ಬಸೂನ ತೀ ಮೂರ್ತಿ ಪಳೊವಚ್ಯಾಂತ ಗುಂಗ ಜಾಲಾಂ. ‘ಗುಪ್ತ ಪೊಲೀಸ, ಮ್ಹಣಚಿ ಮಗೆಲ್ಯಾ ಜಿಬೇತೋಕಾರ ಆಯಿಲ್ಲೆ. ಜಾಲ್ಯಾರ ಮೂರ್ತಿಚೇರ ಲಾಯಲ್ಲೆ ತ ದೋಳೆ ಪಳೊವನ ಮಗೆಲೆ ಶಬ್ದ ಥಂಚ್ಯಾಥಂಯ ಜಿರಲೆ. ಥೊಡ್ಯಾವೇಳಾನ ಆಪಣಾಲೆ ಚಿತ್ತಲಾಸಾರಖೆ ದೋಳೆ ಮಜಿಕಡೇನ ಫೋವನ ತಾಣೆ ಮ್ಹಳೆ “ಮಾಧವ, ಕೃಷ್ಣ ಅಗದಿ ತುಜಾವರೀಚ ಜಾಲಾ ಮರೆ ತೊ. ನಾಕ ಬೀಕ ಅಗದಿ ತುಗೆಲ್ಯಾವರಿಚ ದಿಸ್ತಾ.” ಅಶೆ ಮ್ಹಣ್ತ ಗಾಲಾಂತಲ್ಯಾ ಗಾಲಾಂತ ಹಾಂಸಚ್ಯಾ ಲಾಗಲೆ.

Read Also ഉടൽ/വിശാഖ് എം. എസ്. എഴുതിയ കഥ

“ಹಯ, ಆತಾ ತ್ಯಾ ಕೃಷ್ಣಾಬರೊಬರ ತುಜಿವರಿಚ ಏಕ ರಾಧಾ ಕರತಾಂ ಹಾಂ, ಮ್ಹಳ್ಯಾರ ಜೋಡಿ ಬರಿ ಶೋಭತಲಿ.” ಹಾಂವ ಮ್ಹಳೆ.
“ಇಸ್ಸಕ್” ಅಶ ಮ್ಹಣ ತಾಣೆ ದೋಳೆ ವ್ಹಡಲೆ ಕನ್ನ ಮಜಿಕಡೇನ ಪಳಯ್ಲೆ. ಸೂರ್ಯ ಆತಾ ಧಾರೇ ಪಾವಿಲ್ಲೊ. ಖಿಡಕೆಂತಲ್ಯಾನ ಸೂರ್ಯಾಚಿ ಸೊನರಿ ಕಿರಣಾಂ ತಾಗಲ್ಯಾ ತೂಂಡಾರ ಪಡತಾಲಿ.”
“ಅನೂ,-” ಹಾಂವೆ ಮ್ಹಳೆ. ತಾಣೆ ವೈರ ತೂಂಡ ಕನ್ನ ಪಳಯ್ಲೆ. ತೆ ದೋಳೆ! ಗುಲಾಬಾಚ್ಯಾ ಪಾಕಲ್ಯಾವರಿ ತೆ ವೊಂಟ! “ಮಾಧವ……!” ಆನಿ ಕಿತ ಕಿಂತೆ ಉಲಯತಾ ಆಶಿಲ್ಲೆ, ಪೂಣ ತಿತಲ್ಯಾಂತಚ ಹಾಂವೆ ತಾಗೆಲ್ಯಾ ಮಾನರೇ ಹಾತ ಧನ್ನ, ತಾಕಾ ವ್ಹೌರ್ಯಾಂ ಧನ್ನ, ತಾಗೆಲ್ಯಾ ವಟಾಂಚಿ ಗೊಡ ಉಮಾ ಘೆತಲಿ.

“ನಾನೂ, ಜಗ ಕಿತೆಯ ಮ್ಹಣುಂ ಪುಣ ತ್ಯಾ ದಿಸಾಲಾಗಾಯತ ತ ಮಜಿಕಡೇನ ಸಗಳ್ಯಾಂತಲೆ ದೋಳೆ ಚುಕೊವನ ಹೊಕಲೇ ವರಿ ಚಲಚ್ಯಾ ಲಾಗಲಿ. ನಿದಾನಾ ಮಾಕಾ ತರಿ ತಶೆ ದಿಸತಾಲೆ, ಆಮಗೆಲಿ ದೊಗಾಂಲಿ ಏಕಮಕಾಂಚೇರ ಕಿತಲಿ ಪ್ರೀತ ಆಶಿಲ್ಲಿ ಹೆ ಏಕ ತ್ಯಾ ದೇವಾಕಚ ಖಬರ. ತಾಜಿನಂತರಚೊ ಆನಿ ಏಕ ಪ್ರಸಂಗ ತುಕಾ ಸಾಂಗತಾಂ. ಏಕಮೆಕಾಂಕಡೇನ ಪಳೊವನ ಹಾಂಸಚ್ಯಾಕ ಆಮ್ಕಾಂ ಖೂಬ ಮೌಜ ದಿಸತಲಿ. ಏಕದೀಸ ಆಮಗೆಲೊ ಶೇಜಾರಿಚ-ತಾಗಲೇ ಥಂಯ ಲಗ್ನ ಆಶಿಲ್ಲೆ ಮ್ಹಣ ಆಮಿ ದೊಗಿಜಾಣ ಗೆಲ್ಲಿ. ಹಾಂವ ಆನಿ ತ ಮಾಟವಾಂತ ಏಕಮೆಕಾಂ ಮುಕಾರಚ ಬಶಿಲ್ಲಿ. ನ್ಹವರೂ ಆನಿ ವ್ಹೈಕಲ ಹಾಂಗೆಲೆ ಏಕಕಡೇನ ಲಗ್ನ ಜತಾಲೆ ಆನಿ ಹೆಕಡೇನ ಅನು ಆನಿ ಹಾಂವ ಮನಾಂತಲ್ಯಾ ಮನಾಂತ ಆಮಗೆಲ್ಯಾ ಲಗ್ನಾಚಿ ಮಾಂಡಿ ಖಾತಾಲಿ. ಜೇನ್ನಾ ವ್ಹೈಕಲೇನ ನ್ಹವರ್ಯಾಚೇರ ಮಂತ್ರಾಕ್ಷತಾ ಉಡೊವಚ್ಯೊ ಉರತಾತ ತೇನ್ನಾ ಕೊಣಾ ಕಳಯನಾಸತಾನಾಂ ಆಮಿ ಏಕ ದೋಕಾಂಚೇರ ಮಂತ್ರಾಕ್ಷತಾ ಉಡೊವನ ಘೆತಲ್ಯೊ. ಹ್ಯಾಪ್ರಮಾಣೇ ಹಾಂವ ಮೆಟ್ರಿಕ ಜಾಯ ಪರ್ಯಂತ ಆಮ್ಗೆಲೆ ದಿಸ ಭಾರಿ ಮೌಜಿತ ಗೆಲೆ. ಹಾಂವ ಮೆಟ್ರಿಕ ಪಾಸ ಜಾಲೊ ಆನಿ ಮೆಟ್ರಿಕಾಕ ಮಾಕಾ ಬರೆಚ ಮಾರ್ಕ ಮೆಳ್ಳೆ. ತ್ಯಾ ನಿಮಿತ್ತಿ ಕೋಲೇಜ್ಯಾ ವಚ್ಯಾಕ ಮಾಕಾ ಸಸಾರ ಜಾಲೆ.

ಕೋಲೇಜಾಂತ್ ವಚತ ಲಾಗಾಯತ ಮಾತ್ರ ಮಗೆಲಿ ಆನಿ ಅನೂಲಿ ತಾಟಾತುಟ ಜಾಲಿ. ಸದ್ಯಾಂ ಆಮ್ಗೆಲೆ ಲ್ಹಾನಪಣ ವಚೂನ ಏಕ ತರಚೆ ಮೌನಪಣ ಆಮ್ಚಿಭಿತರ ಆಯಿಲ್ಲೆ. ವರ್ಸಾ ಏಕಖೇಪ ಹಾಂವ ಜೇನ್ನಾ ರಜಿಂತ ಗಾಂವಾ ವತಾಲೊ, ತೇನ್ನಾ ಮಾಕಾ ಅನುಲ್ಯಾ ದೊಳ್ಯಾಂಚ್ಯಾ ಮೌನ್ಯಾ ಭಾಷೆಶಿವಾಯ ಕಸಲ್ಯಾಚ ದುಸಲ್ಯಾ ಭಾಷೆಂತ ಉತರಾಮ್ ಮೆಳ್ನಾ ಆಶಿಲ್ಲಿ. ಆನಿ ಮಳಸಾರಕಿ ಪರಿಸ್ಥಿತಿ ಬಿ ನಾಶಿಲ್ಲಿ. ಕಾರಣ ಪೈಲಿ ಲಗಾಯತಚ ಮಗೆಲೆ ಆನಿ ಅನೂಲೆ ಲಗ್ನ ಆಮಗೆಲ್ಯಾ ದೊಗಾಂಲ್ಯಾಯ ಆವಯಬಾಪಾಯನಿ ಠರೊವನ ದವರಿಲ್ಲೆ. ಆನಿ ಆಮಗೆಲಿ ದೊಗಾಂಲಿ ಹಕಿಕತ ತರ ತುಕಾ ಸಾಂಗಲ್ಯಾಚ. ಲಗ್ನ ಜಾವಚೆ ಥಾಂಬಿಲ್ಲೆ ಫಕ್ತ ಮಗೆಲ್ಯಾ ಶಿಕಪಾಖಾತರ. ಜ್ಯಾ ದೀಸ ಹಾಂವ ತಯಾರ ಜಾಯ್ನಾ ತ್ಯಾ ದೀಸ ಅನು ಮಗೆಲ್ಯಾ ಗಳ್ಯಾಂತ ಮಾಳ ಘಾಲಚ್ಯಾಕ ತಯಾರ ಆಶಿಲ್ಲಿ.

ಪೋರುಂ ವರ್ಸಾಚಿ ಖಬರ. ಸಗಳ ಸ. ಸಾತ ಮ್ಹೈನೆ ಜಾಲೆ. ಆಮಗೆಲ್ಯಾ ಗಾಂವಾಂತ ಆಶಿಲ್ಲಿ ಜಾತ್ರಾ. ದೇವಾಚಿ ತ್ಯಾ ದೀಸ ರಥಾಂತಲ್ಯಾನ ಮಿರವಣೂಕ ಕಾಡಚಿ ಚಾಲ ಅಸಾ. ಹಾಂವ ತ್ಯಾ ಜಾತ್ರೇಕ ಗೆಲ್ಲೊ. ರಥಾಮುಕಾರಚ ಹಾಂವ ಉಬರಾವಿಲ್ಲೊ. ಅನೂಯಬಿ ಆಪಣಾಲ್ಯಾ ಮೈತ್ರಿಣಿಬರೊಬರ ಥಂಯ ಆಯಿಲ್ಲಿ. ಲೋಕಾಂಲಿ ಭಯಂಕರ ಗರ್ದಿ ಜಾಲ್ಲಿ. ತ್ಯಾ ಗರ್ದಿತ ಮಾಕಾ ತಾಣೆ ಪಳಯ್ಲೆ ನಾ ಜಾವಚ್ಯಾ ಫಾವಂ ಪುಣಿ ಹಾಂವೆ ತಾಕಾ ಪಳಯ್ಲೆ. ಇತಲ್ಯಾಂತ ಆಮ್ಚ್ಯಾ ಫಾಟಲ್ಯಾನ ಕಸಲಿ ಕಿ ಗಡಬಡ ಜಾಲಿ. ಲೋಕ ಹಕಡೇನ ತೇಕಡೇನ ಧಾಂವಚ್ಯಾ ಲಾಗಲೆ. ಜಾಲ್ಯಾರ ತ್ಯಾ ಗರ್ದಿತಲ್ಯಾನ ವಚ್ಚೆ ಮ್ಹಳ್ಯಾರ ಭಾರಿ ಕಠಿಣ. ತ್ಯಾ ಧಾಂದಲಿತ ಅನೂ ಏಕದಮ ಲಂವಡಲೆ ತೆ ಚುಕ್ತ ಮಗೆಲ್ಯಾ ಆಂಗಾರ. ಹಾಂವೆ ತಾಕಾ ಸಾವರನ ಧರ್ಲೆ, ನಾಜಾಲ್ಯಾರ ತ್ಯಾ ದೀಸ ಭಲತಚ ಕಿತೆ ತರಿ ಜಾತಾಶಿಲ್ಲಿ. ಹಾಜೊ ಪರಿಣಾಮ ಮಾತ್ರ ಇತಲೊ ಜಾಲೊ ಕಿ ಹಾಂವೆ ವಿಷ್ಣು ಶ್ಣೈಕ ಹ್ಯಾಚ ವರ್ಸಾಕ ಪರೀಕ್ಷಾ ಜಾಲ್ಯಾಬರೊಬರ ಲಗ್ನ ಕನ್ನ ಘೆವಚೆ ವಚನ ದಿಲೆ. ಹ್ಯಾ ಆನಂದಾಂತ್ ಹಾಂವ ಆಸತಾನಾ ಪೈರ ಆಮಗೆಲ್ಯಾ ಘರಚ್ಯಾನ ಏಕ ಕಾಗದ ಆಯಿಲೆ ತ್ಯಾ ಕಾಗದಾಂತ್…..” ತಾಜ್ಯಾನ್ ಫುಡೆ ಉಲೊವಚ್ಯಾ ಜಾಲೆ ನಾಂ. ತಾಣೆ ಖಿಶಾಂತಲ್ಯಾನ ಏಕ ಕವರ ಕಾಣ್ಣ ಮಗೆಲ್ಯಾ ಹಾತಾಂತ ದಿಲೆ. ಹಾಂವೆ ತೆ ಉಗ್ಡಣ ಜರ ಪಳಯಿ ತರ ತಾತುಂತ ವಿಷ್ಣು ಶ್ಣೈಲ್ಯಾ ಘರಾರ ವೀಜ ಪಡ್ನ ಘರಾಚೊ ಬರೋಚ ಭಾಗ ಕೊಸಳನ ಪಡ್ಲೊ ಆನಿ ತಾಜಿ ಮುಳಾತ ಅನೂ ಚಿರಡಿನ ಮೆಲಿ ಹಿ ಬಾತಮಿ ಬರಯಿಲ್ಲಿ.

ಹಾಂವ ತೆ ಕಾಗದ ವಾಚೂನ ಜಾಯಪರ್ಯಂತ ಗಪ್ಪ ಬಶಿಲ್ಲಾ ಮಾಧವಾನ ಏಕ ವ್ಹಡ ಸುಸ್ಕಾರೊ ಸೊಡ್ಲೊ ಆನಿ ಮಜಿಕಡೇನ ಪಳೊವನ ಮ್ಹಳೆ “ನಾನೂ ದೇವ ದಯಾಳೂ ಮ್ಹಣ ಇತಲೆ ದೀಸ ಮಗೆಲಿ ಸಮಜೂತ ಆಶಿಲ್ಲಿ. ಜಾಲ್ಯಾರ ತ್ಯಾ ದೇವಾನ ತೂಂಡಾ ಪಾವಿಲ್ಲಿ ಶಿತಾ ಉಂಡಿ ಕಾವಳ್ಯಾನ ರುಪಾಪಯ ಮಾನ್ನ್ ವ್ಹೇಲ್ಯಾವರಿ, ಮಗೆಲ್ಯಾ ಅನೂಕ ವ್ಹೆಲೆ” ಇತಲೆ ಮ್ಹಣ್ನ ದೋನಿ ಹಾತಾನ ತೂಂಡ ಧಾಪೂನ ತೊ ಗಳಗಳ ರಡಚ್ಯಾ ಲಾಗಲೊ.

ಆತಾಂ ಬರೋಚ ಕಾಳೊಕ ಪಡಿಲ್ಲೊ. ಆಜುಬಾಜುಚ್ಯಾ ರೂಡಾಂಚ್ಯಾ ಪಾನಾಚೊ ಆವಾಜ ಆನಿ ತಾಂಚ್ಯಾ ವೈಲ್ಯಾನ ಪಡಿಲ್ಲೆ ದಂವಾ ಥೇಂಬ ಪಳಯ್ಲ್ಯಾರ ರೂಡಾಂಸುದ್ಧಾಂ ದುಃಖಾನ ರಡತಾತ ಅಶೆ ದಿಸ್ತಾಲಿ. ಚಂದ್ರ ಉದೆಲ್ಲೊ ಖರೊ ಪೂಣ ನಾನಾತರೇಚ್ಯಾ ಮೋಡಾಂನಿ ತಾಕಾ ಧಾಪೂನ ಘಾಲ್ಲೊ. ಏಕ ಉಬಾರ ಅಶಾ ರೂಡಾಚೇರ ಬಸೂನ ಏಕ ಘೂಗೂಮ ಘೂಂss ಘೂಂss ಕನ್ನ ರಡತಾಲೊ. ತೊ ಆವಾಜ ಆಯಕೂನ ಮಾಕಾತರ ಭಂಯ ದಿಸ್ಲೆ. ಹಾಂವೆ ಮಾಧವಾಲ್ಯಾ ಹಾತಾ ಧರ್ಲೆ ಆನಿ “ಮಾಧವ ಉಟ ಆತಾಂ. ಘರಾ ವಚ್ಯಾಂ” ಮ್ಹಳೆ. ಮಾಧವ ಉಟಲೊ. ಆನಿ ಮಜಾಬರೊಬರ ದಾಂವ್ಯಾ ಧರಿಲ್ಲಾ ಗಾಯಚ್ಯಾ ವಾಸರಾ ಮ್ಹಣಕಿ ಚಲಚ್ಯಾಕ ಲಾಗಲೊ.

NB: Compare the online text of this Kannada story with its original print version here