മലയാളം- തമിഴ് നടിയായ നസ്രിയ നസീം തന്റെ പുതിയ ചിത്രത്തിന്റെ പ്രൊമോഷൻ ചടങ്ങിൽ ധരിച്ച വേഷം സോഷ്യൽ മീഡിയയിൽ വലിയ ചർച്ചകൾക്കാണ് വഴിവെച്ചിരിക്കുന്നത്. ഇതിന്റെ പശ്ചാത്തലത്തിൽ താരത്തിന്റെ മുൻകാല ചിത്രമായ ‘നയ്യാണ്ടി’യിലെ ബോഡി ഡബിൾ വിവാദവും വീണ്ടും ചർച്ചയായിരിക്കുകയാണ്.

സൂര്യ നായകനായെത്തുന്ന ജിത്തു മാധവൻ ചിത്രം ‘സീൻ’ (Suriya 44)-ന്റെ പ്രൊമോഷൻ പരിപാടികൾക്കായി ദുബായിലെത്തിയതായിരുന്നു നസ്രിയ. ചടങ്ങിൽ താരം ധരിച്ചിരുന്ന ഓഫ്-ഷോൾഡർ ഗൗൺ വേഷമാണ് ഒരു വിഭാഗം ആരാധകരുടെ വിമർശനത്തിന് കാരണമായത്. മാറ് പരിധികവിഞ്ഞ് (അരിയോള കാണും വിധം) എക്സ്പോസ്ഡ് ആയി എന്നതാണ് ജനവികാരത്തെ രൂക്ഷമാക്കിയത്.

ഏതുതരം വസ്ത്രം ധരിക്കാനും സ്വാതന്ത്ര്യമുണ്ടെങ്കിലും പൊതുവേദികളിൽ മാന്യമായ വസ്ത്രധാരണം വേണമെന്നാണ് വിമർശകരുടെ വാദം. പുരുഷന്മാർ പൊതുവേദികളിൽ പൊതുവെ മാന്യമായി വസ്ത്രം ധരിച്ചെത്തുമ്പോൾ സ്ത്രീകളിൽ ശരീരം പ്രദർശിപ്പിക്കാനും മാർക്കറ്റ് ചെയ്യാനും ഉള്ള വ്യഗ്രത കൂടിവരികയാണെന്നാണ് വിമർശകരുടെ കണ്ടെത്തൽ. സെലിബ്രിറ്റികളുടെ ഇതുപോലെയുള്ള തോന്നിവാസങ്ങൾക്ക് സംരക്ഷണം കൊടുക്കാൻ ചുറ്റും അംഗരക്ഷകർ ഉണ്ടാകുമെന്നും ഇത്തരം പ്രവണതകൾ അനുകരിക്കാൻ ശ്രമിക്കുന്ന സാധാരണക്കാരായ സ്ത്രീകൾക്കാണ് അതിന്റെ പരിണിതഫലം അനുഭവിക്കേണ്ടി വരുന്നതെന്നും ചിലർ ചൂണ്ടിക്കാണിച്ചു.

അതേസമയം, വസ്ത്രധാരണം പൂർണ്ണമായും വ്യക്തിസ്വാതന്ത്ര്യമാണെന്നും ഇതിൽ സദാചാര ആക്രമണം നടത്തുന്നത് തെറ്റാണെന്നും നടിയെ അനുകൂലിക്കുന്നവർ വാദിക്കുന്നു. ‘മൂടിപ്പൊതിഞ്ഞു നടക്കുന്നവർ സ്വന്തം വീട്ടിലെ കുട്ടിയും എക്സ്പോസ്ഡ് ചെയ്യുന്നവർ അയലത്തെ വീട്ടിലെ കുട്ടിയും’ എന്ന മലയാളി മനസ്സുകളിലെ ഗുരുതരമായ സദാചാര ക്യാൻസർ ആണിതെന്നാണ് അവരുടെ ആരോപണം. സൈബർ ആക്രമണങ്ങൾക്ക് മറുപടിയെന്നോണം താരം അതേ വസ്ത്രത്തിലുള്ള ചിത്രങ്ങൾ ഇൻസ്റ്റാഗ്രാമിൽ പങ്കുവെച്ചതും പ്രമുഖ മാധ്യമങ്ങൾ ഇത് ഏറ്റെടുത്തതും വിവാദത്തിന്റെ ചൂട് കൂട്ടി.

‘സ്ത്രീകൾക്കു മുല കുഞ്ഞുങ്ങൾക്കു വയറു നിറച്ചൂട്ടാനല്ലതാണെന്നും സ്വന്തം അമ്മയ്ക്കുള്ളതേ അന്യ പെണ്ണിനുമുള്ളൂ എന്നും അതു കണ്ടാൽ വികാരം തോന്നുന്നവ ആണുങ്ങൾക്ക് കടുക്ക കഷായവും സദാചാരം പുലമ്പുന്ന പെണ്ണുങ്ങൾക്ക് നെല്ലിക്കാ കഷായവും നല്ലതാണെന്നും’ മട്ടിലുള്ള മുലപ്രദർശന ന്യായീകരണ വാദങ്ങളും ഉയർന്നു വന്നു. അതിന്, മുല കൊടുക്കുന്ന അമ്മമാരെല്ലാം മുല പുറത്തിട്ടല്ല നടക്കേണ്ട്’ എന്ന തരത്തിലുള്ള ചുട്ട മറുപടികളും വിമർശകർ കൊടുക്കുന്ന കാഴ്ചയുമുണ്ട്.

‘ഏറെക്കുറെ മുപ്പത് വയസ്സൊക്കെ കഴിഞ്ഞ, ഇക്കാലത്തെ പെണ്ണുങ്ങൾക്ക് ഒരു ചെറിയ കുഴപ്പമുണ്ടെന്നും അവർ അതുവരെ പലതും മാതാപിതാക്കളുടെയും ബന്ധുക്കളുടെയും ഒരുപക്ഷേ കെട്ടിയ വീട്ടിലെയും ടോക്സിസിറ്റി മുഴുവനും സഹിച്ചും പൊറുത്തും കാണുമെന്നും ഒരു സമയം കഴിഞ്ഞാൽ ആ സഹനത്തിന്റെ അളവ് ചിലപ്പോൾ കുറഞ്ഞു വരും എന്നും അതുകൊണ്ട് കുറേക്കാലം ഈ ലോകത്ത് ജീവിച്ച, നിങ്ങളെപോലെ തന്നെ ഏറെക്കുറെ അനുഭവങ്ങൾ ഉള്ള ഞങ്ങളെ ജീവിതം പഠിപ്പിക്കാൻ വരരുതെന്നും എന്ത് ചെയ്യണമെന്ന് ആജ്ഞാപിക്കരുതെന്നും’ പുരുഷന്മാരെ താക്കീത് ചെയ്യുന്നതുപോലെയുള്ള പ്രതികരണങ്ങളും ഇതിനിടെ ഉയർന്നു വന്നു. ‘നെഞ്ചത്ത് ഡ്രസ്സ്‌ ഫുൾ കവർ ചെയ്തു ഇട്ടത് ആണോ മുപ്പതു വർഷം വരെ സഹിച്ച വിഷമം?” എന്നായിരുന്നു സരസമായ ഒരാളുടെ ഇതിനോടുള്ള പ്രതികരണം.