Published on: September 3, 2025
പാടാം വീണ്ടുമാ കഥകള്;
പണ്ടീ നാട്ടില് നടന്ന കഥകള്.
മാലോകര് നെഞ്ചില് കുടിവെച്ച കഥകള്;
മാവേലി മന്നന്റെ വീര ധീര കഥകള്.
അത്തലില്ലാത്ത കുടികളുടെ നാട്;
അടിയാനും കുടിയാനുമൊന്നായ് നടന്ന നാട്.
ത്രിലോകം പുകള്കൊണ്ടനാട്;
സുതലംപോലെയുള്ള നാട്.
ഇന്ദ്രസേനന് വാണിരുന്ന നാട്;
ഇന്ദ്രനെ പൊറായ്മ കൊള്ളിച്ച നാട്.
മൂന്നടി ഇടം യാചിച്ചു ഭഗവാന്,
തലത്താഴ്ത്തിക്കൊടുത്തു സേനന്;
ഇന്ദ്രനേയും വെന്നൊരാ സേനന്.
തൃപ്പാദമൊന്നു വിറച്ചു;
ഇന്ദ്രസേനന് നിറഞ്ഞു ചിരിച്ചു.
പാടാം വീണ്ടുമാ കഥകള്;
പണ്ടീ നാട്ടില് നടന്ന കഥകള്.
ആസുരനല്ലാത്തൊരസുരന്
ഭൂലോകം വാണ കഥകള്.
മാബലി മന്നന്റെ ധീര വീര കഥകള്;
മലയാളനാടിന്റെ കഥകള്!
ഓണപ്പതിപ്പ് പുസ്തകരൂപത്തിൽ വായിക്കുക
പ്രതിഭാവം വാട്സ്ആപ്പ് ഗ്രൂപ്പിലേക്കു സ്വാഗതം🌹
സതീഷ് കളത്തിൽ: തൃശൂർ ശങ്കരയ്യ റോഡ് സ്വദേശി. പ്രതിഭാവം എഡിറ്റർ, ഉത്തരീയം കലാ- സാംസ്കാരിക മാസികയുടെ അസോ. എഡിറ്റർ. ‘ദോഷൈകദൃക്ക്’ എന്ന പേരിൽ പ്രതിഭാവത്തിൽ ‘വോക്കൽ സർക്കസ്’ എഐ കാർട്ടൂൺ കോളവും ചെയ്യുന്നു.
ചലച്ചിത്ര സംവിധായകൻ. മൊബൈൽ ഫോണിൽ ചിത്രീകരിച്ച ഇന്ത്യയിലെ ആദ്യത്തെ ചലച്ചിത്രങ്ങളായ വീണാവാദനം(ചിത്രകലാ ഡോക്യുമെന്ററി), ജലച്ചായം(ഫീച്ചർ ഫിലിം) എന്നിവയും ലാലൂരിന് പറയാനുള്ളത്(പരിസ്ഥിതി ഡോക്യുമെന്ററി), ജ്ഞാനസാരഥി(ഹിസ്റ്ററി ഡോക്യുമെന്ററി) എന്നിവയും ചെയ്തിട്ടുണ്ട്. തൃശ്ശൂർ ആസ്ഥാനമായി പ്രവർത്തിക്കുന്ന ഡിജിറ്റൽ ഫിലിം മേക്കേഴ്സ് ഫോറം ട്രസ്റ്റിന്റെ ചെയർമാനാണ്.
പിതാവ്: ശങ്കരൻ. മാതാവ്: കോമളം(Late). ഭാര്യ: കെ.പി. രമ. മക്കൾ: നിവേദ, നവീൻകൃഷ്ണ, അഖിൽകൃഷ്ണ.
