ദേശീയ വിദ്യാഭ്യാസ നയത്തിൽ, കേന്ദ്ര സര്‍ക്കാരും തമിഴ്നാട് സര്‍ക്കാരും തമ്മിൽ ഭാഷയെ ചൊല്ലി തര്‍ക്കമുള്ള പശ്ചാത്തലത്തിൽ കനിമൊഴിയുടെ മറുപടി രാജ്യമെമ്പാടും ചർച്ച ചെയ്യപ്പെട്ടു. ഇന്ത്യൻ ജനാധിപത്യ മൂല്യങ്ങളെ മുറുകെ പിടിക്കുന്നതും ഇന്ത്യയുടെ ഐക്യത്തെയും അഖണ്ഡതയെയും ഊട്ടിയുറപ്പിക്കാൻ ഉതകുന്നതാണ്, കനിമൊഴിയുടെ പ്രതികരണമെന്നു രാഷ്ട്രീയ നിരീക്ഷകർ വിലയിരുത്തുന്നു. സോഷ്യൽ മീഡിയ ഉൾപ്പെടെ രാജ്യമൊന്നാകെ ‘ബിഗ് സല്യൂട്ട്’ നല്കി കനിമൊഴിയെ അഭിനന്ദിക്കുകയും ചെയ്തു.

‘നമ്മുടെ രാജ്യത്തിന് വളരെയധികം കാര്യങ്ങള്‍ ചെയ്യാനുണ്ട്. എന്തുതന്നെ ശ്രമിച്ചാലും നമ്മളെ വഴിതെറ്റിക്കാനാകില്ല. എന്നിരുന്നാലും, നിര്‍ഭാഗ്യവശാല്‍ തീവ്രവാദത്തെയും അനാവശ്യമായ യുദ്ധത്തെയും നമ്മള്‍ക്ക് നേരിടേണ്ടതുണ്ട്. അത് ശക്തമായി തന്നെ നമ്മള്‍ ചെയ്യും.’ എന്നും അവര്‍ സദസിൽ വ്യക്തമാക്കി.

സ്വന്തം രാജ്യത്തിന്റെ നിലപാടുകൾ ഉയർത്തിപ്പിടിക്കുന്നതിൽ പ്രവാസികൾക്കുള്ള പങ്കിനെ കനിമൊഴി അഭിനന്ദിച്ചു. ‘സമാധാനത്തിന് വേണ്ടിയുള്ള ഇന്ത്യയുടെ നിലപാടുകൾ എത്തരത്തിലായിരുന്നുവെന്ന് പ്രവാസികൾക്ക് ലോകത്തിനോട് എളുപ്പം പറയാൻ സാധിക്കുമെന്നും കനിമൊഴി പറഞ്ഞു.