വായന സദസ് | Vaayanasadhas
2025 ജൂൺ 19 | വായനദിന സ്പെഷ്യൽ
അച്ചടക്കം
അച്ചടക്കത്തിനു പേരുകേട്ട ഒരു സ്കൂളിലെ ലോവർ പ്രൈമറി ക്ളാസിൽ അദ്ധ്യാപകൻ:
ഇന്നു നമ്മൾ പഠിക്കാൻ പോകുന്നത് അച്ചടക്കത്തെപറ്റിയാണ്. അച്ചടക്കം എന്നാൽ എന്താണെന്ന് ആർക്കെങ്കിലും അറിയാമോ?
ഒരു കുട്ടി:
എനിക്കറിയാം മാഷേ…
അദ്ധ്യാപകൻ:
എങ്കിൽ പറയൂ..?
കുട്ടി:
മാഷും രമണി ടീച്ചറും സ്റ്റാഫ് റൂമിൽ ഇരുന്നുകൊണ്ട് ആരും കാണാതെ അടക്കത്തിൽ പറയുന്നത്.
അദ്ധ്യാപകൻ കുട്ടിയെ അനുമോദിക്കുകയും ആശീർവദിക്കുകയും ചെയ്തു:
മിടുക്കൻ. ഭാവിയിൽ നീയൊരു അന്താരാഷ്ട്ര പാപ്പരാസിയായി തീരട്ടെ.
അനന്തരം, അദ്ധ്യാപകൻ അടുത്ത പാഠത്തിലേക്കു കടന്നു.
Join with us
സതീഷ് കളത്തിൽ: തൃശൂർ ശങ്കരയ്യ റോഡ് സ്വദേശി. പ്രതിഭാവം എഡിറ്റർ, ഉത്തരീയം കലാ- സാംസ്കാരിക മാസികയുടെ അസോ. എഡിറ്റർ. ‘ദോഷൈകദൃക്ക്‘ എന്ന പേരിൽ പ്രതിഭാവത്തിൽ ‘വോക്കൽ സർക്കസ്‘, ‘കുഞ്ഞമ്മാവൻ‘ എന്നീ പേരുകളിൽ എഐ കാർട്ടൂൺ കോളങ്ങളും സൂര്യ എന്ന പേരിൽ എഐ ഇല്ലുസ്ട്രേഷനുകളും ചെയ്യുന്നു.
ചലച്ചിത്ര സംവിധായകൻ. മൊബൈൽ ഫോണിൽ ചിത്രീകരിച്ച ഇന്ത്യയിലെ ആദ്യത്തെ ചലച്ചിത്രങ്ങളായ വീണാവാദനം(ചിത്രകലാ ഡോക്യുമെന്ററി), ജലച്ചായം(ഫീച്ചർ ഫിലിം) എന്നിവയും ലാലൂരിന് പറയാനുള്ളത്(പരിസ്ഥിതി ഡോക്യുമെന്ററി), ജ്ഞാനസാരഥി(ഹിസ്റ്ററി ഡോക്യുമെന്ററി) എന്നിവയും ചെയ്തിട്ടുണ്ട്. തൃശ്ശൂർ ആസ്ഥാനമായി പ്രവർത്തിക്കുന്ന ഡിജിറ്റൽ ഫിലിം മേക്കേഴ്സ് ഫോറം ട്രസ്റ്റിന്റെ ചെയർമാനാണ്.
പിതാവ്: ശങ്കരൻ. മാതാവ്: കോമളം(Late). ഭാര്യ: കെ.പി. രമ. മക്കൾ: നിവേദ, നവീൻകൃഷ്ണ, അഖിൽകൃഷ്ണ.
