Arum Kanatthappol Nee Aaranu?/Sathish Kalathil/Malayalam Translation of Vismaya Kumaran’s English poem, Who are you when no one is watching?
ആരും കാണാത്തപ്പോൾ ആരാണു നീ?
ഞാൻ? … ഹ്ഉം.
അവർക്കെന്റെ പേരറിയാം.
അവർക്കെന്റെ സ്വഭാവമറിയാം.
ഞാൻ പകർന്ന എന്റെ ഭാഷ്യം അവർക്കറിയാം.
പക്ഷെ, അവർക്കറിയില്ല—
ആരും അരികത്തില്ലാതിരുന്നപ്പോൾ
ഞാൻ ചോദിച്ച ചോദ്യങ്ങൾ,
ഞാൻ സാക്ഷ്യം വഹിച്ച സൂര്യാസ്തമയങ്ങൾ,
ഞാൻ നിമന്ത്രണം ചെയ്ത പ്രാർത്ഥനകൾ,
ഞാൻ മായ്ച്ചുകളഞ്ഞ മുറിപ്പാടുകൾ.
എന്നിരുന്നാലും, ചില ആളുകൾ പറയുന്നു,
“എനിക്കറിയാം നിന്നെ” എന്ന്.
ഞാനൊന്നു തലയാട്ടും.
എല്ലാവരും അരികത്തുണ്ടായിരുന്നപ്പോൾ,
എന്റെ ഒരു വശം മാത്രമാണ്
അവർ മനസിലാക്കിവെച്ചിരുന്നത്.
പ്രതിഭാവം വാട്സ്ആപ്പ് ഗ്രൂപ്പിലേക്കു സ്വാഗതം🌹
സതീഷ് കളത്തിൽ: തൃശൂർ ശങ്കരയ്യ റോഡ് സ്വദേശി. പ്രതിഭാവം എഡിറ്റർ, ഉത്തരീയം കലാ- സാംസ്കാരിക മാസികയുടെ അസോ. എഡിറ്റർ. ‘ദോഷൈകദൃക്ക്’ എന്ന പേരിൽ പ്രതിഭാവത്തിൽ ‘വോക്കൽ സർക്കസ്’ എഐ കാർട്ടൂൺ കോളവും ചെയ്യുന്നു.
ചലച്ചിത്ര സംവിധായകൻ. മൊബൈൽ ഫോണിൽ ചിത്രീകരിച്ച ഇന്ത്യയിലെ ആദ്യത്തെ ചലച്ചിത്രങ്ങളായ വീണാവാദനം(ചിത്രകലാ ഡോക്യുമെന്ററി), ജലച്ചായം(ഫീച്ചർ ഫിലിം) എന്നിവയും ലാലൂരിന് പറയാനുള്ളത്(പരിസ്ഥിതി ഡോക്യുമെന്ററി), ജ്ഞാനസാരഥി(ഹിസ്റ്ററി ഡോക്യുമെന്ററി) എന്നിവയും ചെയ്തിട്ടുണ്ട്. തൃശ്ശൂർ ആസ്ഥാനമായി പ്രവർത്തിക്കുന്ന ഡിജിറ്റൽ ഫിലിം മേക്കേഴ്സ് ഫോറം ട്രസ്റ്റിന്റെ ചെയർമാനാണ്.
പിതാവ്: ശങ്കരൻ. മാതാവ്: കോമളം(Late). ഭാര്യ: കെ.പി. രമ. മക്കൾ: നിവേദ, നവീൻകൃഷ്ണ, അഖിൽകൃഷ്ണ.
