Published on April 18, 2025
നീ
ഒറ്റിക്കൊടുക്കുമറിഞ്ഞിട്ടും
എന്റെപാദം കഴുകി നീ
തള്ളിപ്പറയുമറിഞ്ഞിട്ടും
ഉള്ളില് ചേര്ത്തുമുകര്ന്നു നീ
ഒപ്പമാമപ്പത്തോളം
പലതായ വിശപ്പ് നീ
കാരുണ്യമോതുവാനന്യ
പാദത്തോളം കുനിഞ്ഞു നീ
കടന്നുപോക്കിന് കാവ്യ
കഥയില് ക്രൂശിതന്മുഖം
തെളിഞ്ഞുവരവേ
തെറ്റില് പിടയുന്നെന്റെ മാനസം
പ്രതിഭാവം വാട്സ്ആപ്പ് ഗ്രൂപ്പിലേക്കു സ്വാഗതം🌹
അനുഭൂതി ശ്രീധരൻ: കോട്ടയം പുതുപ്പള്ളി ഇരവിനല്ലൂർ പിണയ്ക്കാമറ്റത്തില്ലത്ത് ജനിച്ചു. കോട്ടയം വി പബ്ലിഷേഴ്സിൽ മലയാള വിഭാഗം എഡിറ്റോറിയൽ അസിസ്റ്റന്റ്. ‘അനുഭൂതി കവിതകൾ’ എന്ന കവിതാ സമാഹാരം പ്രസിദ്ധീകരിച്ചിട്ടുണ്ട്. ഭാര്യ: ശാന്തി. മക്കൾ: അരുന്ധതി, അരുൺ.
