കാലചക്രം പോലെ,
ഒരു തീരാപ്പന്തയത്തിലാണ് അവർ.
മൂന്നുപേരുണ്ട് അവർ.

നേർത്ത ശരം പോലൊരുവൻ മുന്നിൽ.
ഇടത്തരം ഉടലുമായി മറ്റൊരുവൻ പിന്നിൽ.
അതിലും പിന്നിൽ മറ്റൊരുത്തൻ;
ഇവരിൽ ഭീമൻ; ഭാരം പേറുന്നവൻ!

നയിക്കുന്നെന്നോ നയിക്കപ്പെടുന്നെന്നോ ഇല്ല;
ജയവും തോൽവിയും ഇല്ല; എങ്കിലും,
ഒരു തീരാപ്പന്തയത്തിലാണ് അവർ;
തെല്ലുമലട്ടാതെ; ഒട്ടും ക്ഷീണമില്ലാതെ!

അതൊരു നിതാന്തമായ ശീലമാണ്;
കാലചക്രം പോലെ തുടരുന്നൊരു ലീല!